Si Winfrid , usa ka Ingles (675-754 AD), ang patron sa Germania naila nga “Apostoles sa mga Aleman” tungod sa iyang mga misyonaryong natampo ngadto sa mga lugar sa mga aleman . Ilado pod siya tungod sa iyang mga paningkamot sa paghulma sa mga latinong simbahan sa Europa ug ang uban pa gani niini naa pa gihapon hangtod karon.
Sa iyang panahon daghan pa kaayo sa amihanan ug tunga-tungang Europa ang wala pa makristiyano maong niadtong 716, gisugdan niya iyang mga misyonaryong buhat ngadto sa mga alemanong lugar. Pero sa iyang kadismaya human niya sila makristiyano nibalik sila sa ilang naandang paganong pagsimba.
 |
| (Tinubdan: wikimedia) |
Niadtong 723, nibalik siya sa Geismar para sa pasko kuyog sa iyang mga sumusunod. Dili lang pasko ang iyang katuyoan kundili pagdaug sa ilang mga kalag og balik tungod sa ilang pagsimba sa paganong dios nga si Thor.
Bisperas kadto sa pasko nagpanaw sila sa kakahoyan, ug puno sa niyebe ang ilang giagian, iyang gidasig ang iyang mga matinud-anong sumusunod nga ipadayon ang panaw. Hangtod nga naabot sila sa ilang destinasyon.
Sa ilang paghiabot wala’y tawo nga nagsuroy-suroy. Ngit-ngit ug murag bakante ang mga kabalayan. Sa ilang pagpadayon, sa usa ka hawan nga parte, ilang nakita ang gisagradong kahoy ni Thor – ang lugar mao ang tigumanan sa mga tawo didto. Ug giisa gidayon ni San Bonifacio ang iyang tungkod nga naay krus sa ibabaw naga-ignon, ” Diara ang kahoy nga encina ni Thor; ug dinhi ang krus ni Kristo magabuak sa martilyo sa pekeng diyos nga si Thor.”
Og didto sa kahoy nagtapok ang mga tawo, nagdaob para mainitan ilang mga lawas, mura’g naa’y gimitingan. Giduol sila ni San Bonifacio ug gitimbaya.
Usa ka pari ni thor ang niingon nga maghalad sila’g tawo para kang Thor para mawala ang mga salot nga nahitabo sa ilaha. Giduol dayon sa pari ang mga nagtapok nga mga bata og nipili siya’g usa nila nga iyang ihalad .
Gidala dayon ni Hundrad, pari ni thor, ang bata nga iyang napilian ngadto sa dakong batong altar duol sa sagradong kahoy ni Thor para i-sakripisyo ang kinabuhi. Matud pa sa pari, isakripisyo iyang kinabuhi para mopanaw ngadto sa valhalla ug ipaabot ang ilang mensahe kang Thor.
Ug sa dihang padulong na untang hampason ang ulo sa batang si Asulf kalit lang giduso ni San Bonifacio ang martilyo gamit ang iyang tungkod. Sa pagduso nabuhian ni Hundrad ang martilyo ug natunga kini.
Puno sa kalipay ug katingala ang ilang nabati labi na sa inahan nga si Thekla nga nagdagan padulong sa bata dayon gakos tungod sa pagkalingkawas niini sa kamatayon.
Human sa insidente sa pagpakgang ni San Bonifacio sa dugoon unta nga ritwal, nakigsulti siya sa mga tawo,
"Pamati, mga anak sa lasang, wala na'y dugo nga moagay karon, tungod kay karong gabhiona mao ang gabii nga natawhan sa puti nga Kristo, ang anak sa Amahan sa tanan, Manluluwas sa katawhan. Mas matahum pa siya kang Baldur, mas maalamon pa kay kang odin, ug mas maluluy-on pa kang freya.
Tungod kay siya nianhi natapos na ang paghalad. Ang kangitngit nga si thor nga inyong gisangpit nga wala'y pulos, patay na. Ug tua na siya ubos sa niffelheim ug nawala hangtod sa hangtod.Ug karong gabhiona ni Kristo, ikaw mabuhi. Kining kahoy dili na magdala og kangitngit kaninyo."
Dayon gikuha ni San Bonifacio ang iyang lapad nga atsa ug gisugdan niya pagputol ang kahoy'ng encina. Diha'y kalit nga makusog nga hangin, dayon natumba ang kahoy naibot ang gamot niini ug nabahin sa upat ka piraso.
Luyo sa natumba nga kahoy'ng encina diha'y nagbarog nga gamay'ng kahoy nga haya. Ug gisultian na usab niya ang mga tao nga nagkanayon,
"Kining gamay nga kahoy, usa ka bata sa lasang, ang mamahimo ninyong balaang kahoy karong gabhiona. Kini ang kahoy sa pakigdait, tungod kay ang inyong mga balay tinukod sa kahoy nga haya. Kini ang timaan sa kinabuhing wala'y katapusan. Tungod kay ang mga dahon niini kanunay nga berde. Tan-awa nagpunting kini pataas sa langit. Pagatawga kini nga kahoy sa batang Kristo; pagtapok kamo palibot niini, dili ngadto sa lasang kundi sa inyong mga pinuy-anan; ug nianang kahoya wala na'y mga buhat sa dugo kundi ang paghinatagay og mga regalo ug mga ritwal nga matarong.
" Busa gikuha nila ang kahoy nga haya ug gidala sa baryo. Si Duke Alvold ang amahan ni Asulf, nagkuha pod ug kahoy'ng haya ug iyang gibutang ang kahoy sa ilang dakong hawanan. Gipamutangan nila og mga kandila ang mga sanga niini nga morag napuno sa mga bitoon.
 |
| Ang kahoy nga haya tungod sa iyang trayanggulo nga porma, gitanyag ni San Bonifacio kay nagpresentar kini sa Balaan nga Trinidad ug bag-ong kinabuhi. (Tinubdan: wikimedia) |
Pagkahuman si San Bonifacio, iyang gisugilan kang Hundrad ang istorya bahin sa batang Hesus nga natawo didto sa bethlehem ug ang mga tawo naminaw pod og maayo sa istorya ug dayon naa sila'y nabatian nga mora'g mga anghel nga nanganta og " Ang tanan nga himaya anaa sa Dios sa kahitas-an, ug sa yuta ang kalinaw; maayong kabubut-on, ug gikan karon, gikan sa langit hangtod sa mga tawo magsugod ug dili mohunong."