Daghang mga katoliko ang namalhin og laing tinuohan o kristiyanong denominasyon. Segun pa sa Pew Research, usa sa napulo ka mga katoliko didto sa amerika ex-catholic.
Hinaot dili ni mahitabo dire sa Pilipinas kay daghan na ra ba usab ang namalhin. Hinuon ang hinungdan nganong namalhin ang uban didto sa amerika kay dili lang nahimo silang protestante kundi, nahimo silang wala’y giapilan ug 10 porsiyento nibalhin sa pundok nga dili kristiyano.
Wala Nagtuon sa Katekismo
Sama sa atake nga gisimba daw sa mga katoliko si Mama Mary. Kung basahon nimo ang katekismo wala magtudlo ang simbahan nga simbahon si Maria isip Dios. Maong dali madani ang mga kulang pa sa kahibalo kay kulang man sila sa kaalam mahitungod sa teyolohiya o katekismo sa simbahan.
Naay Pangutana Mahitungod Sa Biblia Pero Sa Protestanteng Magtutudlo Midangop
Maong daghan pod ang nahisalaag tungod kay kung naay pangutana, adto naman hinuon mangutana sa dili katoliko, nga dili pa man na kaayo polido ang ilang panabot mahitungod sa biblia. Ug wala pod sila’y sakto nga panabot sa pilosopiya ug teyolohiya sa katoliko.
Naay ubang mga protestanteng ebanghelista nga nindot kaayo paminawon kay maayo kaayo modeliver ug mokutlo og mga bersikulo diha sa biblia nga mohaom sa ilang interpretasyon. Daghan nang mga katolikong huyang pa kaayo sa kahibawo sa teyolohiya sa simbahan ang nabitik niing mga ebanghilista.
Pero anha na nila mahibaw-an nga ang doktrina diay sa simbahan polido na ang pagtulon-an kung maatubang na ning mga ebanghelista ang mga katolikong apolohista.
Emosyonalismo
Naay mga batan-on nga kulang pa kaayo sa kahibawo ang target niining mga ubang protestante. Nigamit sila og sekular nga musika nga haom kaayo sa uso nga para gyud sa mga kabanta-onan. Ug ang mga batan-on usab malipayon kaayo sa ilang bag-ong giapilan nga pagtoo tungod kay ginindotan sila sa relihiyosong serbisyo ug sa estilo niini sa pagsimba.