Gipanganlan isip Male Social Media Influencer niadtong Abril 15 ang Pari nga si Father Joseph Fidel Roura, usa ka parish priest sa quasi-parish didto sa Our Lady of La Salette sa San Jose del Monte, Bulacan.
Gipahigayon ang maong kalihokan pinaagi sa online o virtual awarding ceremony. Nahimo siyang awardee sa 2020 Catholic Social Media Awards.
Sa iyahang Facebook page nagpost si Father Joseph nga mapasalamaton sa mga nisuporta sa iyaha.
"Naging possible po ang award na ito dahil po sa inyong walang sawang suporta. Salamat sa Panginoon! Salamat po sa inyo! Tagumpay po natin ito pare-pareho!" matod pa ni Father Joseph.
"Patuloy po sana nating gamitin ang social media sa pag-infect ng 'virus ng ebanghelyo' sa maraming tao." dungag pa niya.
Ang artista ug TV host nga si Candy Pangilinan nahimo usab nga Female Social Media Influencer. Ang Quiapo Church nakadawat sa award nga Best Parish Facebook Page.
Dili pod pauwahi ang kabisay-an kay nakadawat sa Best Diocesan Website ang Basilica Minore del Sto. Niño de Cebu ug Archdiocese of Jaro sa Iloilo.
Uban pang naka-award:
Best Public Facebook Group - Sakristan Spotted-Philippine
Best Catholic Organization Website - The Varsitarian
Best Catholic Vlog - Rix The Seminarian
Best Twitter - MFC Youth
Best Instagram - Almusalita
Catholic Song of the Year - “Kapit” by Liveloud Worship
Ang CSMA gitukod sa Youth Pinoy niadtong 2015, usa ka layansa sa mga katolikong kabataan nga ang katuyoan mao ang pagdasig sa mga katolikong media sa internet.